أول تحرك من جامعة النجاح على ما تعرضت له الطالبة "صابرينا جابر "

صابرينا جابر

رام الله الإخباري

رام الله الاخباري:

أعلنت جامعة النجاح الوطنية، اليوم الجمعة، عن اطلاق نداء للوقوف مع الطالبة صابرينا جابر، من قسم علم الاجتماع والخدمة الاجتماعية في الجامعة، بعد ما تعرضت له في الأمس.

وقالت الجامعة في بيان لها: "من منطلق رسالتنا المجتمعيّة الأخلاقيّة الإنسانيّة... نطلق نداء من أسرة الجامعة للوقوف مع صابرينا، وهي واحدة من ذوي الهمم، علماً أن الجامعة ووحدة رعاية ذوي الإعاقة فيها تتابعان القضية، ومعاً وسوياً لنقول #كلناصابريناجابر".

وكانت الطالبة صابرينا جابر وهي من "ذوي الاحتياجات الخاصة"، قد نشرت عبر حسابها على "فيسبوك" مساء أمس، منشورا عبرت فيه عن حزنها الشديد من "عدم الإنسانية والرحمة" لدى البعض.

وقالت الطالبة جابر في منشورها: "اليوم وانا مروحة كانت معي شنتي الجر، مطرت علي الدنيا بالشارع فجأة وزخت وغرقت مي بالشارع، مرق تكسي بودي من المخفية (منطقتي) للبلد، وقفتو حكتلو لو سمحت بدي اركب! قام نزل من السيارة، ورحت انا فتحت الطبون اشوفو مناسب للعرباي او لا .. وطلع مناسب ومنيح، والدنيا زخ طبعا".

وأضافت: "المهم بحكيلو بدي انزل عند مدخل البلدة القديمة، صفن شوي الا بحكيلي ثقيلة عربايتك ؟ بحكيلو اه بس هي ٤ شباب عندك بساعدوك فيها ، قام سكر الطبون بحكيلي لا عمي بحملش عربايات وثقيلة كمان ، لا ! بحكيلو عموو لو سمحت انا غرقانة من المطر وعربايتي بتيجي بسيارتك انا مجربة وبعرف طلعني شو فيها! رد عاد نفس الجملة وانها ثقيلة وركب السيارة وراح".

وتابعت: "وقفت ع جنب وصرت اعيط بالشارع من قلبي!، ما عيطت لانو ما ركبني بس عيطت انو لهدرجة ما في بقلب البشر رحمة!! ولو لهدرجة!! ولك اعتبرني بنتك اختك، اعتبرني امك!! هيك بتعمل ؟ حامل العرباي ع ضهرك انتا؟ فش سيارة خلقها الله بتتحملش عرباي، كيف حامله ٥ ركاب معناتو؟".

وأضافت: "والحمدلله اني بطلع لحالي بدون مساعدة حدا ، بس عربايتي الي بتنرفع ، وياخي تغلب هالمرة انا كل يوم راكبة معك؟ ول عليك".

وفي أول تعليق لها على التفاعل الكبير مع قضيتها قالت الطالبة صابرينا جابر عبر حسابها على فيسبوك 

 

رام الله الاخباري