موقع رام الله الاخباري :

 رسالة من مواطنة بخصوص ابنها كما كتبت بالعربي الفصيح منغولي (متلازمة دوان ). انا أم لشاب عمره 18 سنه اسمه خالد علام ديسي من ذوي الاحتياجات الخاصه ، متلازمة داون ..منغولي .. الولد تعب من عشرين يوم تقريبا اخدنا عالمقبره اللي اسمها المستشفى الحكومي بعد الفحص تبين انه عنده التهاب رئوي حاد ...اعطونا مضاد حيوي وحكولنا تابعوا بالبيت واذا ما تحسن رجعوا ...الولد بلش يتعب اكتر من اول لدرجه انه بطل يقدر يمشي راجعنا المستشفى اكتر من 3 مرات والدكاتره يحكولي ما في شي ..

ابنك ما بيقدر يمشي لانه سمين...ودكتور منهم مره من المرات سال الولد المنغولي اللي ما بيعرف يعبر او يشرح ..شو بيوجعك حكاله ضهري...طبل على ضهرو وقاله انحف انت ناصح...سالت الدكتور ليه رجلي منفخات قالي من النصاحه وعلى هالمعدل ...لحد ما حسيت انه الولد بيموت رحت اخدتو على الرازي بارك الله فيهم صوروا اشعه وبسرعه نسقوا مع الحكومي ووصوا عالولد ...لانه بين مع الولد ..انه في مي عالرئه وتليف .......... الطبيب المعالج يقول لها اذا بدك ابنك يتعالج لا تنبشي وتعملي مشاكل .