أثار مطرب المهرجانات المصري حمو بيكا، ضجة واسعة على مواقع التواصل الاجتماعي بعد إعلانه عن شرائه سيارة جديدة مطلية بالذهب من عيار 24.

ونشر حمو بيكا، عبر حسابه الرسمي على ”فيسبوك“ صورته وهو بجانب السيارة معلقا عليها بقوله: ”عربيتي في ثوبها الجديد عيار 24″، وهو ما دفع الكثير من المتابعين للتفاعل مع صورته.

وانهالت التعليقات من جمهور ”بيكا“، إذ قال متابع: ”الخلاصة في كلمتين لكل شاب في كلية طب أو هندسة أو تجارة أو آداب لا داعي للتعليم خالص، وخود بعضك واشتر كاميرا من سوق الموسكي وميك حلو كده وأطلع أرقص وغني كلمات فيها إسفاف زي المناضل بيكا“.

وتابع: ”هتلاقي المجتمع بيقدرك وشركات الفن والإعلام تلفونك مش هيبطل رن منهم وتركب مرسيدس وبي ام. يا فرحتي بعد ما تتخرج بالوظيفة أم 2000 جنيه، مستنياك وبشروط كمان تكون حاربت في الحرب العالمية الأولي ومتصور سيلفي مع ستالين وجدك يكون أقرع 12 ساعة حلوين بـ2000 جنيه، الساعة بشلن، شكرا“.

متابع آخر قال: ”أنا طبعي مش بنتقد حد، بس انت بفلوس العربية دي كنت سديت جوع ناس غلابى كتير والأجر والثواب عند ربنا.. فانية“، وعلق متابع بقوله: ”بلا قرف ده بدل ما تعملوا حاجه للغلابة ولا تفكر حتى إن ربنا بيديك ومش ناسيك أنت كمان متنسهوش ابنِ جامعا حتى“.

فيما انتقده متابع آخر قائلا: ”أحمد فرج بكالوريوس علوم وتربية قسم رياضيات جامعة الأزهر بيدفع فلوس الجمعية بالعافية.. حمو بيكا ساقط ابتدائية شاري عربية لو أحمد اشتغل عمره كله مش هيعرف يشتريها… الحياة ليست عادلة يا حمو“.

بينما سخر منه الفنان أحمد وفيق قائلا ”يعني عربية أودي وقميص تقليد!! قصة قصيرة مبدعة“.