رام الله الإخباري

رام الله الاخباري:

أكد الرئيس عبدالفتاح السيسي، أن احتفال الشعب المصري اليوم بذكرى مولد نبى الرحمة والهدى يمثل مناسبة طيبة للتأمل في جوهر ومقاصد الرسالة التي تلقاها النبى.

وقال السيسى، في كمته موجها خطابه للشعب المصري: "لو تصورتم إن 30 يونيو و3 يوليو إنى كنت جاي طمعان في حاجة تبقوا ظلمتم الفكرة والقيم والمبادئ التي وقفنا لأجلها، دا أنا أبقى أوحش منهم.. لا والله".

وأضاف السيسي: "الرئيس عدلى منصور ربما يزعل من هذا الكلام الذى سأقوله، ولكننى سأقول، أنني قبل الانتخابات والترشح كثير من الناس قالت هو ليه أنا مش عاوز اترشح، لقد اتحايلت على الرئيس عدلى منصور شهور إنه يترشح وأنا أظل في مكاني زي ما أنا، وأنا بقول الكلام دا وممكن فخامة الرئيس يزعل منى".

وتابع السيسي: "بقول عشان تعرفوا إن الكل زاهد فيها وتحدى كبير جدا سواء دنيا أو دين عند ربنا يوم القيامة، وهنقل له إيه؟ شهور بقول له من فضلك سنة عدت واترشح تاني وأنا أفضل مكاني واعمل كل اللي ممكن يتعمل لأجل خاطر مصر وخاطرك، بس هو قال لا يمكن كدا تمام وكفاية".

وأكمل السيسي: "الحكاية مش حكاية رئيس ونظام، دا قضية بناء أمة والدفاع عنها وحمايتها عشان تتحط فى المكان اللى ربنا يقدرنا عليه، ومن الناحية التانية مواجهة الشر وأهله لأنني لا أنسى ذلك، سواء الآن أو من سنوات طويلة سابقة، ومن سنوات طويلة فاتت الناس اللي تعرفني تعرف عمرى مكدبت، مفيش الكلام ده، لأن النبي عليه والسلام كان قائدًا ونجح كذلك عشان الصلة وربنا يجعلنا من أهل الصلة".

وأظهرت كاميرات وسائل الإعلان في نهاية كلمته توجه الرئيس السيسي لمصافحة المشير محمد حسين طنطاوى، ومعانقة المستشار عدلى منصور على الهواء.

اليوم السابع